Vorjestern hat isch ne Termin beim Ohrenarzt un da muß

isch dann in et Nachbarstädtchen, denn hier bei misch im

Dörp hammer kinne

Isch un noch 2 Frauen woren pünktlisch, äwer dä Doktor

wöhd sisch en Stund  verspäten. Worüm, kinn Ahnung, äwer nu wor isch da und nomal na Hus wor zu umständlisch.

Also hant mir drei uns in et Wartezimmer jesetzt un ob dä Doc jewaht.

 

Isch han misch en Ziedung jeschnappt und wor so ä bisske drin am arömlättere, als die zwei Fräukes ihre Verzell fortsetzten.

  

Ob ehmol han isch die Öhreks jespitzt, denn die Lütt die

die jetzt zwische dä Zäng hatte, die kenn isch janz jut.

 

Dat wore die Hühnepüngels he bei misch  us em Dörp un

mit dem Lotti und dem Kathrin bin isch schon 20 Johr im Kejelclub *Die lustijen Landeier*

 

Die zwei Frauen kannte misch nit und ich die och nit un et stellte sisch so eraus, et wor en Cousin von drei Dörfer weiter-

Isch han dann voll konzentriert zujehört , äwer so jedon als wenn misch dä Driss in die Ziedung unheimlisch interessiere wöhd.

Dat Schöne bei sone Ohrenarzt isja dat die Leut laut verzelle, weil die meisten älteren Semester nit mi jut höre konnte.

Also wor dat för misch wie bei de ARD  un em ZDF

un isch saß führe in de éschte Reih

 

Nä wat han isch do alles Interessantes erfahre, et jing um et Testament von denne ihr ahl Tant Marie, denn die hät dat  Lotti un dem sinne Hubert vom Erbe janz usjeschlosse, weil dä Hubert die ahl Tant fröher um Jeld beschisse hät

Un dat die Tochter, dat Karin, en Techtelmechtel mit dem Karrenbergs Hermann han soll. Dat wüßt bei misch im Dörp dä janze Schüzeverein, äwer dem Hermann sin Frau wüsstet noch nit.

Die kenn isch, also wenn dat eruskommt, dann Nacht Mattes, dat  ärme Karin. Isch kann misch noch jut dran erinnere wie dä mit dem Luzie en Ziet erömjeschwänzelt is. Om Sommerfest vom Jartenverein hät dann dem Hermann sin Frau die zwei Turteltäubchen  flajranti erischt, do is dat Luzie in letzter Sekunde renne jejange und dä Herman hät ä dickes Veilchen 2 Woch hinger en dicke jroße Sonnenbrill  versteckt.

Äwer dä Hermann is und blivt ne Schwitjeh un lecht alles flach wat nit bei drei ob dä Bohm jeklettert is.

 

Un etLotti wär schon lang rus us de Wechseljahre, un et

wöd nur so vill  meckere weil dä Hubert im Bett en Schloftablett wär un läwer ne scharfe Film owends ankicke dät als selber aktiv zu sinn.   

 

Un dann hät die Cousin jesaht, äwer dat

Sensatuionellste verzell isch Disch jetzt un als die grad 

anfange wollt, jing de Dör ob und de Schwester Carola hat misch ofjerufe. 

Schad, so ne Mist nu han isch dat nit mi mitjekritt äwer jut die Ausbeute von die angere Neuichkeiten wor janit schlecht on wenn dat Lotti beim nächsten Kejelabend widder so rumtönt un ob  dem hohe Ross sitzt, dann frach isch dochmal wat eijentlich aus dem Nachlass von die ahl Tant jeworde wär, et hät uns doch verzellt

se wöhde vill von der erbe, mer wöhd janix mehr davon höre-

 

Am Mittwoch in 14 Dach hant mer widder kejeln un glöwt et misch,et wird misch jet infalle ,denn die Informationen kann isch doch nit unjenutzt lote, zumal dat Lotti noch wat *jut* bei misch hät.

Un wie heeßt da schon in de Bibel *Auge um Auge un Jiftzahn um Jiftzahn* oder so ähnlich.

 

                                                 (c) by  KuK