Ich hab vor ein paar Tagen Bilder sortiert und schon mal so ein bisschen aussortiert und für andere Fotos von denen ich mich noch nicht trennen mag ein Album angelegt.
Dabei wurd es mir irgendwie ziemlich nostalgisch * üm et Hätz* und deshalb erzähl ich Euch mal so ein bisserl wie
et bei misch zu Hus so jewäse is.
Wenn Ihr Lust habt, dann schaut mal rein:

Fröher bei misch zu Hus

Mir wohnte all zusammen in Parterre min Omma und minne Oppa un in de 1 Etasch min Tant un ungerm Dach min Mam un isch. Et Sonndachs wot jemütlisch jefrühstückt, nä nix im Nachhemd oder so, schön adrett un frisch jewaschen. Isch hat vill Freundinne un ehn hät immer bei uns jeschlofe un so soße mir denn so öm dä Disch un als minne Oppa dann en dicke Zijarr an zu ruke fing, dä hät dann so dicke Kringele en de Luft jeblose un do kom dann dä jemütlische Teil.
Nu muß isch jet vorausschicke un verzelle, minne Oppa is als junge Kähl im eschte Weltkrich zur See jefahren
Un om Ärm hat dä ne Matros un ne Anker tätowiert jehat un jetz Mol onger uns, sonne Oppa hät Kinner von die angere Pänz jehat.
Min Omma wor dann in de Küch am rumklappere un
isch wollt ja och ä bisske anjeben un wollt wat wissen
wo dä denn överall jewäse is. Janz ehrlisch, dä is janz schön wiet in de Welt erömjekumme.
Min Omma hät dat alles zu lang jeduert un so unger uns die hät och vielmehr Fantasie jehat un hät dann anjefange zu verzelle.
Minne Oppa hieß Edmund und min Omma jab dann die Stichworte, wie :Ed erzähl dochmal wie Du da in Borneo die Tochter von dem Häuptling hierade solltest.
Wie wor dat denn nochens, muß isch äwes überlejen
wor dann dem sin Antwort und at wor dat Stichwort für min Omma ,die in de Welt nit weiter als bis in Krefeld jewäse wor , äwer die hät uns en Abenteuerjeschicht verzellt die wor vom Allerfeinsten.

Minne Oppa wär in en Höhle voller Totenköpfe die uffejespießt waren, jefangen jewesen un mit letzter Kraft
konnt he sich befreie und mit en dicke Riesenschlang
hät dä jekämpft un ä Krokodil hat ihm beinah ne Fuß abjebisse , wenn he dä nit im letzte Moment zurückjezojen hätte un so jing dat weiter. Mir hant jebannt zujehört, minne Oppa auch, denn die Abenteuer wore och neu för ihm selbst.
Min Omma wor sowieso en janz besondere Frau
voller Ideen. Äwer dat sin dann widder angere Jeschichten, die verzell ich Üch vielleicht mol demnächst.
So als Nachsatz muß isch noch hinzufüjen, min Mam musst vill arbide un deshalb hat misch de Omma jroßjetrocke un nu könn Ehr Üch ja denke von wem ich dat Jeschichten verzelle jeerbt hab.

(c) by  KuK