Also, ich weeß janit ob isch dat he so verzelle kann, äwer isch han et Üch eijentlisch versproche.  Versproche is versproche hät min Omma immer jesaht und at muß mer dann och inhalde.

Isch fang jetz enfach mol ahn. 

Ehr erinnert Üch doch noch dat isch ob die Tupperparty wor,wo die Werbefrau uns heiss ob die Dessous jemaht hät, die die uns am Schluß jezeicht hat.

 

Also jestern Owend wor isch och dabei un zwar beim Kattelmeiers Gret. Die hant vill Platz un da konnt dat jut *öwer de Bühn* jon. Mer  sollte  so um 18.30 Uhr kumme un jesacht jetan 

Dem Gret sin Schwiejertochter (dat däht sisch immer ne Deu ahn) hät uns mit en Jläsken Schampus bejrüßt damit mer in Stimmung kumme sollte.

Isch un och dat Gret sin lewer bei Wasser jebliewe, wejen unserem hohe Blutdruck etc,  äwer mir wollte ja sowieso nix kofe un hant dat Verführungswässerchen nit jebraucht.

 

En Stund später wore dann endlisch all die junge Wiewer injetroffe un hant lustich Schampus jedrunke un dann jing et los. 

Die Werbemadam hät noch en nette junge Frau mit einem astrein Fijürjchen als Model mitjebracht, die dat dann alles vorjeführt hat un dann konnt man von Jröße 36 bis 52 alles 

bestelle. Dem Modelmädsche hät man ne alde graue Müllsack mit ne Kordel üm dä Liv andon könne, och dä hät dem dann jut jestande.

 

Die Stimung wor jut und die Frauleut hant  bestellt als wenn et Morje kinn Dessous mi jeben würde. Corsagen in sämtliche Colours , Strings; BH’s un raffinierte Nachtjewänder etc. etc.

 

Dat Gret und isch hant uns bei einije Sächelchen anjekickt un dann hät dat Gret so janz versonne jesaht: *Schad, dat et dat bei uns fröher net jab,   isch hät och wat bruche könne

damit et bei uns ä bise peppiejer jeworden wär. Äwer nu litt dä Franz ruhig in de Ähd un isch han he min Ruh, äwer wer weeß  et wat loß jewese wär, wenn isch damit fröher so in et Schlofzimmer eriinjedänzelt wär……* Mir hant uns verständnisinnich anjegrinst und dann neichte sich die Deossouspartie so langsam dem Ende zu.

 

Aber einen Knüller hatte die Werbedame denn doch noch in petto, die machte ein kleines rotes Lederköfferchen auf verwies of de erotische Unterwäsche für den Mann. Da war isch jeplättet, wat die Kähls hüt antrecke dont oder solle. kin Ungerbutze mi, nä och so ne Strick mit für wat dran,jibbet also für Männer und etwas angers vorne dekoriert als für Frauen.

 

Un da bald Weihnachten kam der Clou , so ne rote  Strick für hinge und vorn wor en rotes Nikolausmützchen mit ne kleene wisse Plümmel. 

Isch han jedacht dat ist ne Witz, nä dat  wurd minestens 7 x verkoft, un nu kennt mer sich ja he  in mi Dörp uni sch kenn och die dazujörijen Männer ………

 

Janz erlisch wenn isch die he  treff , dann stell isch misch immer die kleen Nikolausmütz vor un isch könt misch kapottlaache.

Also isch kann Üch so en Party nur wärm an et Häz leje, wenn  Ehr wat zu laache hant wollt.

 

 

                                                           © by KuK