Eijentlich heeß ich nur Bett,  äwer isch han oft och  noch ne Name davor, zum Beispiel Himmel, Lotter un Ehe

All die Variatiönschen han isch schon erlevt un isch könnt Üch he wat verzelle, äwer nur wenn Ehr dat wirklisch höre wollt.

 

Überlecht et Üch.

 

Jut, nu hat  Ehr lang jenuch überlecht un seid neujierich jeworden, deshalb fang isch jetzt an en de Erinnerungen erömzukrame.

 

Bejinnen wir damit an, als isch noch Lotterbett hieß un isch muß Üch janz ehrlisch verzelle, dat wor för misch de schönste Ziet.

 

Och min Umjebung wor so lotterjerecht dekorativ eröm drapiert, dat hat dat Marie-Luise janz prima hinbekumme.

 

Nä, wat wor da los, misch wohd dat överhaupt  nit langweilisch un isch hat janz vill zu kicke.

 

Tachsöwer wor dat meistens ruhich un ich stand nur so eröm un han misch dann mit die dicke Matratz ungerhalde. Die wor ä bisske maufaul, so ab Middachs hät die sichdann mental ob die Nachtschischt vorbereitet.

 

Jut, der ihre Job, der hät et in sisch jehat, dat is ki Wunder, dat die all nur en paar Jährkes richtisch zu jebruche sind un dann ausjetauscht werden.

 

Wat isch interessant fand, dat die Männer die da mit dem Marie-Luise erömjelottert hant, so verschieden wore. Vom Sparjeltarzan bis Mr. Sixpack, hatten die un dat Marie-Luise hant jede Menge Spässkes . Dat wor en Jestöhne un Jelache, dat mer richtisch Freud dran haben konnt.

 

Ob ehmol wor dat am Eng un dat schöne Jelottere vorbei un et wurd mädschenhaft edel bei uns.

Die Lotterdeko  kom weg und isch bekam ne Himmel oben druff drapiert un hieß ab jetz Himmelbett.

 

Och min alde Fründin, die dicke Matratz wurd entsorcht un et kom en *rückenfreundliche* neue harte Matratz

So ne Quatsch , die alte dicke weiche Kuschelmatratze wor doch immer außerordentlich freundlich, fand ich,

Han isch doch alles live miterlebt.

 

Ich word nu von rosa mit wiss Orjanza berieselt un stand keuch und erwartungsvoll so eröm.

Et Marie-Luise hat sisch dann dä Friederich usjekickt dä sisch dann mit dem in dä rosa Orjanzatraum kuschele durfte.

Jut isch hät misch läwer sone Sixpack jenomme. wenn isch dat Marie-Luise jewäse wär, äwer isch bin ä Bett un stonn mehr ob wat Massives.

 

Öwer dä neue Lover kann isch nit so vill saje, denn jejen die Lotterzeiten von fröher wor et jetzt Nachts meistens janz schön ruhisch bis ob dat leise Jeschnarche von dem Friederich.

Wat soll isch  Üch verzelle dat Mariel-Luise is mit  dä drüje Pitter vorije Woch vorm Traualtar jetreten.

 

Bei misch kom dann dä rosa-wisse Tüllhimmel eraff un die Matratz konnt bliewe, denn di wor ja  noch nit sehr strapaziert und so sin mir beide jetzt zum Ehebett ernannt worde.

 

Morjen kütt dat Marie-Luise nebst Ehemann von der Hochzeitsreis zurück un de Matratz, Kopfkisse und dat Plümmo sin frisch bezogen un nur warte mer ob die Dinge die da kumme. (wenn denn jet kütt

 

Psssssst

rütscht mol jet näher un isch flüstere Üch mol wat in et Öhrchen:

 

Dä frischjebackene Ehemann  däht janz bestimmt treu sin Pflicht un dat mit de Spässkes is he leider vorbei und isch sach nur:

                  Marie-Luis wat haste da  jemacht             

                  Nix is mi mit erotische Kissenschlacht

                  Mit Schampus un die lustvolle Rangelei

                  Nä wie is et traurich , et is alles vorbei

 

                  För misch bejinnt nu dat Rentnerläwe

                  Ä biske sehr früh, äwer so is et äwe

                  Isch sach Üch Tschüss un et is wie et is

 

                                       Wat is dat ne Driss

 

                                                           (c) by  KuK