FRÜNDE FÖR IMMER UN EWICH
Dat hant mer uns als kleene Pänz janz fest jeschwore
Un wie et im Läwe so kütt, leider hant mer uns verlore
Doch irjendwo un -wie, wor isch immer drop am hoffe
Und hüt, da hant mer uns janz zufällich wiederjetroffe
Klar hat dä Zahn der Zeit kräftich an uns erömjenaacht
Janz ejal, minne Blutdruck ist janz schön in de Höh jejacht
Din Laache, holt immer noch ät Sönneken vom Himmelszelt
Din blaue Oje blinzele wie damols verführerisch in de Welt
Dat hat misch schon fröher jut jefalle un schwach jemaat
Wat häste misch alles verzellt un von de Zukuft so jesaaht
Isch han Disch dä Verzell jeglöft, denn Du wors ja so flott
Dann op ehmol, do hatste Schiss in de Bux , da warste fot
Nu stehste he bei ALDI plötzlisch för misch , nach 50 Johr
Häss kinn schwatte Locke mi, nur översichtlische jraue Hor
Ejal , no fünf Minute , wore mer irjendwie widder janz eng
Isch glöw, dä Amor hät ne Pfeil afjeschosse un och jetroffe
......................... Peng
(c) by KUK